Sobiq mashhur futbolchi Dmitriy Bulykin “Krasnodar” jamoasining yangi mavsumdagi o‘yinlari haqida o‘z fikrini bildirdi. Bu haqida Euro-football.ru xabar berdi.
So‘nggi ikki uchrashuvda “Krasnodar” ketma-ket mag‘lubiyatga uchradi. Avval Rossiya Premyer-ligasida “Lokomotiv”ga, so‘ngra Fonbet Rossiya Kubogida “Krylya Sovetov”ga yutqazdi.
Har ikkala uchrashuvda hisob 1:2 bo‘ldi. Dmitriy Bulykinning ta’kidlashicha, chempionlikdan keyin yangi mavsumni boshlash har doim oson bo‘lmaydi.
“Chempion bo‘lganingdan so‘ng, hamma narsani bilaman va uddalayman deb o‘ylaysan. Lekin raqiblar ham senga chempion sifatida tayyorlanadi.
Shu sababli, har doimgidan ko‘ra ko‘proq harakat qilish kerak”, – dedi u. “Krasnodar”ning navbatdagi o‘yini ikkinchi avgust kuni bo‘lib o‘tadi.
Uchinchi tur doirasida “Krasnodar” o‘z maydonida poytaxtning “Dinamo” jamoasini qabul qiladi. Uchrashuv soat 20:30 da boshlanadi.
