Lui Saa Vlaxovichni «Manchester Yunayted»ga tavsiya qildi
«Manchester Yunayted» klubi sobiq hujumchisi Lui Saa o‘zining sobiq jamoasiga tavsiyalar berdi. Bu haqida Euro-football.ru xabar berdi.
Uning fikricha, «qizil iblislar» hujumdagi muammolarni hal qilish uchun «Yuventus» jamoasi futbolchisi Dushan Vlaxovichni sotib olishlari kerak. Lui Saa Dushan Vlaxovichning statistikasi yaxshi ekanini, tajribaga ega futbolchi sifatida jamoaga foyda keltirishi mumkinligini ta’kidladi.
Unga ko‘ra, «Manchester Yunayted» jamoasiga ishonchli va xarakterli hujumchilar zarur. Hozirda jamoada to‘rtta futbolchi bor, ular klub ramzi uchun maydonga tushishga qiziqish bildirmayotganini aytib, bu holat achinarli ekanini qayd etdi.
O‘tgan mavsumda 25 yoshli serbiyalik hujumchi Dushan Vlaxovich klub darajasida 44 o‘yinda maydonga tushib, 17 ta gol urgan va 5 ta golli uzatma bergan. Mutaxassislar Vlaxovichning transfer narxini 35 million yevro atrofida baholamoqda.
Shu sababli, Lui Saa uning «Manchester Yunayted» uchun yaxshi xarid bo‘lishi mumkinligini bildirgan. Klubning hujumdagi samaradorligini oshirish uchun bu transfer foydali bo‘lishi ta’kidlandi.
