Niderlandiyalik himoyachi Yorrel Xato Amsterdamning Ayaks klubidan Angliyaning Chelsi jamoasiga o‘tadi. Bu haqida Euro-football.ru xabar berdi.
Bu haqda taniqli sport jurnalisti Fabrisio Romano o‘z manbalari orqali ma’lum qildi. Manbaga ko‘ra, futbolchining transferi uchun Chelsi klubi 40 million yevro to‘laydi.
Yorrel Xato dastlabdan London klubi safiga o‘tishni istagan va boshqa takliflarni ko‘rib chiqmagan. Yaqin kunlarda 19 yoshli futbolchi yangi jamoasiga qo‘shiladi va tibbiy ko‘rikdan o‘tadi.
O‘tgan mavsumda Yorrel Xato asosan chap qanot himoyachisi sifatida maydonga tushdi. U klub darajasida jami 50 o‘yinda ishtirok etdi, 12 marta ogohlantirildi, 3 ta gol urdi va 6 ta golli uzatma berdi.
Yorrel Xato yosh bo‘lishiga qaramay, o‘zining barqaror o‘yini va mehnatsevarligi bilan murabbiylar va futbol muxlislari e’tiborini qozondi. U Chelsi safida ham o‘zini ko‘rsata olishi kutilmoqda.
