Ronaldu g‘alabadan so‘ng jamoa oldidagi vazifalarni aytdi

Al Nasr jamoasi yangi mavsumga tayyorgarlik ko‘rmoqda. Bu haqida Euro-football.ru xabar berdi.

Chorshanba kuni bosh murabbiy Jorje Jezus boshchiligida jamoa o‘rtoqlik uchrashuvi o‘tkazdi va Tuluz klubiga qarshi bahsda 2:1 hisobida g‘alaba qozondi. Uchrashuvdan so‘ng, Al Nasr hujumchisi Krishtianu Ronaldu o‘zining ijtimoiy tarmoq sahifasida post qoldirdi.

U jamoaning birinchi goliga mualliflik qildi. Ronaldu o‘z bayonotida quyidagilarni ta’kidladi: “Ochlik hech qachon so‘nmaydi.

Hali oldimizda bajarilishi lozim bo‘lgan ishlar ko‘p, biz endigina boshladik.” Ma’lumot uchun, joriy yilning iyun oyida Krishtianu Ronaldu Al Nasr klubi bilan yangi shartnoma imzolagan edi. Ushbu kelishuvga ko‘ra, futbolchi jamoada yana ikki mavsum, ya’ni 2027 yil o‘rtasigacha to‘p suradi.

O‘tgan mavsum yakunlariga ko‘ra, Al Nasr Saudiya Arabistoni Pro-ligasida uchinchi o‘rinni egalladi. Jamoa oldiga yuqori natijalarga erishish va sovrinli o‘rinlar uchun kurashishda davom etish maqsadini qo‘ygan.