Mateus Kunya charchoq sabab Bornmutga qarshi o‘ynamaydi
Manchester Yunayted bosh murabbiyi Ruben Amorim jamoadagi hujumchi Mateus Kunyaning Bornmutga qarshi o‘rtoqlik uchrashuvida ishtirok etmasligi haqida fikr bildirdi. Bu haqida Euro-football.ru xabar berdi.
Uchrashuv Toshkent vaqti bilan soat 06:30da boshlanadi. Qizil iblislar safidan braziliyalik yangi futbolchi, ilgari mavsumoldi o‘yinlarida qatnashgan Mateus Kunyaning nomi bu safar ro‘yxatda ko‘rinmadi.
Bosh murabbiy Ruben Amorimning so‘zlariga ko‘ra, Kunyaning jismoniy holatini inobatga olish zarur. Amorim shunday dedi: Kunyaning charchog‘i bor.
Barcha futbolchilarning holatini nazorat qilishimiz, ehtiyotkor bo‘lishimiz kerak. Mateus keyingi o‘yinda maydonga tushishi mumkin, biroq hozirda u o‘zini biroz charchagan his qilmoqda.
U maydonga chiqishni xohladi, o‘zini to‘liq ko‘rsatishga tayyor edi, lekin biz uning sog‘lig‘i uchun ehtiyotkorlik bilan harakat qilamiz. Eslatib o‘tamiz, Mateus Kunya yoz fasli boshida Vulverxempton klubidan 74 million yevro evaziga xarid qilingan edi.
