“Lokomotiv” jamoasining sobiq rahbari Nikolay Naumov Antan Miranchukning “Syon” klubini tark etishi mumkinligi haqidagi xabarni izohladi. Bu haqida Euro-football.ru xabar berdi.
Avvalroq, yarim himoyachi xizmatlari Rossiya Premyer Ligasi klublariga taklif etilgani ma’lum bo‘ldi. Naumovning so‘zlariga ko‘ra, Miranchukning onasi Moskvada yashaydi va u o‘z onasini juda yaxshi ko‘radi.
Bundan tashqari, uning do‘stlari ham Moskvada. Shu sababli, Miranchuk Shveysariyada sog‘inch his qilayotgani ehtimoldan xoli emas.
Naumovning fikricha, futbolchi uchun Shveysariyada qolishning katta ma’nosi yo‘q, ayniqsa, uning faoliyati u yerda unchalik muvaffaqiyatli kechmaganini inobatga olsak. Ma’lumot uchun, Anton Miranchuk o‘tgan yil kuzida Shveysariyaga ko‘chib o‘tgandi.
Shu davr mobaynida u 25 ta o‘yinda maydonga tushib, 2 ta gol urdi va 3 ta golli uzatmani amalga oshirdi. Miranchukning amaldagi shartnomasi yana bir yil davom etadi.
Futbolchining kelajagi hozircha noma’lum bo‘lib turibdi.
