Madridning “Real” klubi Ispaniya chempionati birinchi turida “Osasuna”ga qarshi o‘yin sanasini ko‘chirishni so‘radi. Bu haqida Euro-football.ru xabar berdi.
Klub yangi mavsumga tayyorgarlik ko‘rish uchun ko‘proq vaqt ajratishni istadi. Bunga sabab, Madrid jamoasining ta’tili va mavsumoldi mashg‘ulotlari Klublar o‘rtasidagi Jahon chempionati tufayli kechikkanidir.
AS nashrining yozishicha, Ispaniya qirollik futbol federatsiyasi hakami “Real”ning so‘rovini rad etdi. Qarorda Madrid jamoasida o‘yinni belgilangan kunda o‘tkazish uchun yetarli sonli ro‘yxatdan o‘tgan futbolchilar borligi aytilgan.
Shuningdek, La Liga tomonidan futbolchilarga 21 kunlik ta’til muddati to‘liq ta’minlangani qayd etilgan. Shu tariqa, “Real” va “Osasuna” uchrashuvi 19-avgust sanasida bo‘lib o‘tadi.
Klub bosh murabbiyi Xabi Alonso yangi mavsum oldidan bor-yo‘g‘i 15 kunlik tayyorgarlik vaqtiga ega bo‘ladi. “Real” rahbariyati bu vaziyatda futbolchilarning tayyorgarligiga yetarli e’tibor qaratishni istagan edi.
Biroq federatsiya qarori o‘zgartirilmasligicha qoldi.
