Manchester Yunayted klubi Manchester Siti darvozaboni Shtefan Ortega transferi bilan muxlislarni hayratda qoldirishi mumkin. Bu haqida Euro-football.ru xabar berdi.
Maʼlumotlarga ko‘ra, “shaharliklar” yaqinda Jeyms Traffordni sotib oldi va shundan so‘ng, nemis darvozaboni Shtefan Ortegaga endi jamoada ehtiyoj yo‘qligini ma’lum qildi. Football Transfers nashrining yozishicha, ayni paytda Ortegani tarkibga qo‘shish niyatida bo‘lgan boshqa manchesterlik jamoa bu — Manchester Yunayted.
Manbalarga ko‘ra, “Yunayted” vakillari allaqachon “Siti” rahbariyati bilan bog‘lanib, transfer shartlarini muhokama qilmoqda. Shtefan Ortega 2022 yildan beri Xosep Gvardiola boshchiligidagi Manchester Siti jamoasida to‘p suradi.
32 yoshli darvozabon o‘tgan mavsumda 22 ta o‘yinda maydonga tushib, 24 ta gol o‘tkazib yuborgan. Transfermarkt portali uning qiymatini 8 million yevro deb baholagan.
Agar Shtefan Ortega Manchester Yunaytedga o‘tsa, bu klub uchun muhim transfer bo‘lishi mumkin. Hozircha tomonlar o‘rtasida muzokaralar davom etmoqda.
Yangi mavsum oldidan bu o‘zgarish klub uchun qanday natija berishi hozircha noma’lum.
