Son Xyon Min so‘nggi o‘yinida «Tottenxem» sardori bo‘ladi

Londonning «Tottenxem» futbol klubi vakili Son Xyon Min 3 avgust kuni «Nyukasl»ga qarshi o‘rtoqlik uchrashuvida jamoa sardori sifatida maydonga tushadi. Bu haqida Euro-football.ru xabar berdi.

Bu haqda jamoa bosh murabbiyi Tomas Frank ma’lum qildi. Murabbiyning aytishicha, hozircha koreyalik futbolchining o‘rniga kim sardor bo‘lishi haqida o‘ylamagan.

Tomas Frankning so‘zlariga ko‘ra, Son Xyon Min jamoani maydonga boshchilik qilib olib chiqadi va futbolchilarni harakatga undaydi. Eslatib o‘tamiz, 33 yoshli Son Xyon Min avvalroq yozgi transfer oynasida klubni tark etishi haqida xabar bergan edi.

U «Tottenxem» safida 15 yil davomida faoliyat olib bordi. Futbolchining amaldagi shartnomasi 2026 yil 30 iyungacha mo‘ljallangan edi.

Hozirda Son Xyon Minning transfer qiymati 20 million yevroga baholanmoqda. Shu tariqa, u uzoq yillar davomida klubga xizmat qilgan va o‘zining sadoqatini ko‘rsatgan futbolchi sifatida e’tirof etiladi.