Norvegiya terma jamoasi va “Manchester Siti” klubi hujumchisi Erling Holann o‘z milliy jamoasining ishtiroki haqida o‘z fikrlarini bildirdi. Bu haqida Euro-football.ru xabar berdi.
Norvegiya terma jamoasi jahon chempionati saralash bosqichini to‘rtta g‘alaba bilan boshladi. Time nashri jurnalistining AQSH jahon chempioni bo‘lishi mumkinmi, degan savoliga javob berar ekan, Holann AQSH yoki Norvegiyadan qaysi biri chempion bo‘lishga ko‘proq imkoniyatga ega, deb savol bilan javob qaytardi.
Erling Holann: “Siz bu savolga javob bermasangiz ham bo‘ladi, lekin Norvegiya hech qachon jahon chempionatida g‘olib bo‘lmagan. Agar biz jahon chempionatiga chiqadigan bo‘lsak, bu yirik davlatlardan biri g‘alaba qozongandek bo‘lardi.
Oslo shahridagi manzaralar hayratlanarli bo‘lar edi”, dedi. Shuningdek, Holann: “Men AQSH hech qachon jahon chempioni bo‘lmaydi, deb aytadigan odam bo‘lishni istamayman.
Lekin ular chempion bo‘lishi ehtimoli 1 foiz, Norvegiyaniki esa 0,5 foiz”, deya qo‘shimcha qildi. Norvegiya terma jamoasi so‘nggi marta jahon chempionatida 1998 yilda ishtirok etgan.
