Nyuaksl futbol klubi bosh murabbiyi Eddi Xau hujumchi Aleksandr Isakning kelajagi haqida fikr bildirdi. Bu haqida Euro-football.ru xabar berdi.
Avvalroq, 25 yoshli futbolchi klub joylashgan hududni tark etib, “Real Sosyedad” bazasida mashg‘ulot o‘tkazayotgani haqida xabarlar tarqaldi. Shuningdek, Nyuaksl klubi Isakni transfer qilish bo‘yicha Liverpulning taklifini rad etgani haqida ham ma’lumotlar paydo bo‘ldi.
Eddi Xau matbuot anjumanida shunday dedi: “Kecha menga bir taklif bo‘lganini aytishdi. Bu taklif men bilganimdan oldin rad etilgan.
Keyingi voqealar qanday kechishini bilmayman, lekin biz Aleksni har tomonlama qo‘llab-quvvatlashda davom etamiz. Men uni yana Nyuaksl futbolkasida maydonda ko‘rishni istayman.
Hozir u qayerda ekanini faqat ommaviy axborot vositalaridan bilaman. Tafsilotlarga chuqur kirishim qiyin.
Voqea hozircha noaniq va murakkab. Bu borada hozircha ayta oladigan gapim shu”, – dedi bosh murabbiy.
