Rossiya terma jamoasi va Moskvaning “Lokomotiv” klubi sobiq murabbiyi Yuriy Syomin Rossiya chempionatining “Krylya Sovetov” va “Rostov” jamoalari o‘rtasidagi uchrashuvi haqida o‘z fikrini bildirdi. Bu haqida Euro-football.ru xabar berdi.
Uchinchi tur doirasida o‘tgan mazkur bahsda Samaraliklar 4:1 hisobida ishonchli g‘alabaga erishdi. Syominning so‘zlariga ko‘ra, “Rostov” jamoasining mavsumni omadsiz boshlashiga aniq sababni aytish qiyin.
Uning fikricha, “Rostov” himoyasining yuqori chiziqda o‘ynashi raqiblarga ko‘plab imkoniyatlar yaratishga yordam bermoqda. Shu sababli, bu jamoa o‘z o‘yinida muammolarga duch kelmoqda.
Shuningdek, Yuriy Syomin “Krylya Sovetov” futbolchilarining harakatlarini yuqori baholadi. Unga ko‘ra, Samara jamoasi raqibni yaxshi o‘rgandi va to‘g‘ri xulosa chiqardi.
Mazkur uchrashuvdan so‘ng “Rostov” ochkosiz tarzda turnir jadvalining oxirgi pog‘onasida qolmoqda. “Krylya Sovetov” esa 7 ochko bilan hozircha ikkinchi o‘rinda bormoqda.
