Yuventus jamoasining yarim himoyachisi Duglas Luis Fenerbahche klubidan tushgan taklifga rad javobini berdi. Bu haqida Euro-football.ru xabar berdi.
Istanbul jamoasi unga jiddiy shartnoma taklif qilgan bo‘lsa-da, braziliyalik futbolchi hozirgi bosqichda Turkiyaga ko‘chib o‘tishga tayyor emasligini ma’lum qildi. Bu haqda jurnalist Oratsio Akkomando xabar bermoqda.
27 yoshli futbolchi Angliya Premer-ligasiga qaytishni istamoqda. Hozirda unga Nottingham Forest klubi qiziqish bildirgan, biroq aniq taklif hali yo‘q.
Yuventus rahbariyati ushbu transfer oynasida Duglas Luis bilan xayrlashmoqchi. U o‘tgan mavsum Aston Villadan 51 million yevro evaziga Turin klubiga kelib qo‘shilgandi.
Biroq futbolchi Italiyada o‘zini ko‘rsata olmadi. Transfermarkt portali ma’lumotiga ko‘ra, yarim himoyachining narxi hozirda 30 million yevroga baholanmoqda.
Klublar o‘rtasida muzokaralar davom etmoqda va futbolchining kelajagi yaqinda aniqlik kasb etishi kutilmoqda.
