Barselona jiddiy jarohatdan so‘ng ham Runiga qiziqdi
Kristian Emile, “Barselona” jamoasiga yangi qo‘shilgan futbolchi Runi Bardjjiyning vakili, klub bilan olib borilgan muzokaralar haqida so‘zlab berdi. Bu haqida Euro-football.ru xabar berdi.
“Barselona” iyul oyida Daniyaning “Kopengagen” jamoasidan 19 yoshli futbolchini xarid qildi. Aslida ushbu o‘tish oldinroq amalga oshishi mumkin edi, biroq o‘tgan yili Runi jiddiy jarohat olib, faqat bahorda to‘liq sog‘ayib ketdi.
Agentning so‘zlariga ko‘ra, 2024 yil may oyida u “Barselona”ning mashg‘ulot bazasida bo‘lgan va Runi Bardjjiyning ehtimoliy o‘tishi yuzasidan muzokaralar olib borilgan. Muzokaralar avjida “Kopengagen”dan telefon qo‘ng‘irog‘i bo‘lib, futbolchi tizza payining uzilishi sababli uzoq muddat maydonga tusha olmasligi ma’lum bo‘lgan.
Bu xabar xonada chuqur sukutga sabab bo‘lgan va muzokaralarda ishtirok etganlar uchun og‘ir damlar bo‘lgan. Shunga qaramay, “Barselona” futbolchiga bo‘lgan qiziqishini saqlab qoldi va keyinchalik yana bir necha bor uchrashuvlar o‘tkazildi.
Natijada, Runi Bardjji “Barselona” klubi bilan 2029 yilgacha mo‘ljallangan shartnoma imzoladi.
