"Baltika" futbol jamoasining hujumkor yarim himoyachisi Vladislav Saus kelgusida faoliyatini Gretsiyada davom ettirishi mumkin. Bu haqida Euro-football.ru xabar berdi.
Ma’lumotlarga ko‘ra, 21 yoshli rossiyalik futbolchiga Gretsiyaning PAOK jamoasi qiziqish bildirgan. Jamoa rahbariyati Sausning o‘yin sifatlarini yuqori baholamoqda va uni ushbu yozgi transfer oynasida xarid qilishga tayyor.
Agar ushbu transfer amalga oshsa, Saus PAOK tarkibida to‘p surayotgan uchinchi rossiyalik futbolchi bo‘ladi. Hozirda bu jamoada Fyodor Chalov va Magomed Ozdoev ham harakat qilmoqda.
Joriy mavsum Rossiya Premyer-ligasida Saus ikki uchrashuvda maydonga tushib, bir gol urdi va bir marta golli uzatma berdi. Transfermarkt ekspertlarining hisob-kitobiga ko‘ra, futbolchining narxi 500 ming yevroga baholanmoqda.
Shu tariqa, Vladislav Sausning Gretsiyaga o‘tish ehtimoli jamoa rahbariyati va futbolchining kelishuviga bog‘liq bo‘lmoqda.
