“Manchester Yunayted” bosh murabbiyi Ruben Amorim jamoaning kelajakda Angliya va Yevropaning eng kuchli klublari qatoriga qaytishiga ishonishini bildirdi. Bu haqida Euro-football.ru xabar berdi.
Murabbiydan “Manchester Yunayted” yana Premer-liga va Chempionlar ligasida g‘olib bo‘la oladimi, deb so‘rashdi. Ruben Amorim bu borada hech qanday shubha yo‘qligini ta’kidladi.
Uning so‘zlariga ko‘ra, klubda pul bilan sotib olib bo‘lmaydigan qadriyatlar mavjud: tarix, muxlislar va o‘ziga xos an’ana. Shuningdek, Amorim “Manchester Yunayted” Chempionlar ligasisiz ham yetarli moliyaviy imkoniyatlarga ega ekanini qayd etdi.
U klub madaniyatida o‘zgarishlar bo‘lsa, jamoa o‘z o‘rniga qaytishi mumkinligini aytdi. Ma’lumot uchun, o‘tgan mavsumda “Manchester Yunayted” Angliya Premer-ligasida 15-o‘rinni egalladi va xalqaro musobaqalarga yo‘llanma ololmadi.
Klub oxirgi bor Premer-ligada 2013 yilda, Chempionlar ligasida esa 2008 yilda g‘olib chiqqan.
