Xabi Alonso Dani Karvaxalni asosiy tarkibdan chetlatdi
Bosh murabbiy ba’zan oson bo‘lmagan qarorlarni qabul qilishi kerak. Bu haqida Euro-football.ru xabar berdi.
Shu yil yozida “Real” jamoasiga bosh murabbiy etib tayinlangan Xabi Alonso ham shunday mas’uliyatli qaror qabul qildi. Unga ko‘ra, Dani Karvaxal endi asosiy tarkibda doimiy o‘rin oladigan futbolchi bo‘lmaydi.
Bu haqda manbalar xabar bermoqda. Avvalgi mavsumlarda, ayniqsa kuzda olgan jarohatiga qadar, Karvaxal o‘z pozitsiyasida dunyoning eng yaxshi futbolchilaridan biri hisoblangan.
Biroq hozirda, manbaga ko‘ra, 33 yoshli futbolchi asosan zaxira o‘rindig‘ida o‘tirishga va maydonga kamroq chiqishga o‘rganishga majbur bo‘ladi. Bu holatga uning “Real” jamoasidagi sardorlik va afsonaviy maqomi ham ta’sir eta olmaydi.
O‘ng qanot himoyasida Xabi Alonso asosiy futbolchi sifatida Trent Aleksander-Arnoldni ko‘rmoqda. Angliyalik himoyachi Alonso tanlagan o‘yin uslubiga juda mos keladi.
Shu sabab, yangi mavsumda Trent asosiy tarkibda ko‘proq maydonga tushishi kutilmoqda. Karvaxal esa endi ko‘proq zaxira futbolchisi sifatida harakat qiladi.
