Tottenxem hujumchisi Son Xyon Min “Los-Anjeles” klubiga o‘tadi. Bu haqida Euro-football.ru xabar berdi.
Mazkur transfer shartlari bo‘yicha ikki klub o‘zaro kelishuvga erishdi. Futbolchining ham roziligi olingan.
Bu haqda taniqli sport jurnalisti xabar berdi. “Tottenxem” o‘z sardorini sotishdan 15 million yevrodan ortiq daromad oladi.
Son Xyon Min “Tottenxem” jamoasi bilan Angliyaga qaytmadi. U AQShda qoldi, chunki u yerda klub mavsumoldi yig‘inini o‘tkazayotgan edi.
Hujumchi “Los-Anjeles” klubi bilan shartnoma imzolash va transfer jarayonini rasmiylashtirish uchun qolgan. Janubiy Koreya futbolchisi 2015 yil avgustidan buyon London klubida o‘ynab kelayotgan edi.
Yaqinda “Nyukasl”ga qarshi o‘rtoqlik uchrashuvi o‘tkazilgach, 33 yoshli Son Xyon Min “Tottenxem” muxlislari bilan xayrlashdi. Shu tariqa, u o‘z faoliyatini AQShda davom ettiradi.
