Tottenhem jamoasining yangi futbolchisi Joau Palinya kelayotgan mavsumdan nimalarga erishmoqchi ekani haqida o‘z fikrlarini bildirdi. Bu haqida Euro-football.ru xabar berdi.
London klubi portugaliyalik futbolchini Bavariyadan mavsum oxirigacha ijaraga oldi. Kelishuvga futbolchini to‘liq sotib olish imkoniyati ham kiritilgan.
Joau Palinya o‘z intervyusida shunday dedi: Agar individual maqsadlar haqida gapiradigan bo‘lsam, men shunchaki o‘ynashni, o‘zimni namoyon etishni va bu yuqori darajadagi klubda o‘z imkoniyatlarimni yana bir bor ko‘rsatishni istayman. Ayniqsa, Angliya Premer-ligasida o‘zimni ko‘rsatmoqchiman.
Jamoaviy maqsadlar borasida esa men sovrinlarni qo‘lga kiritishni istayman. Ishonamanki, bizda nimagadir erishish uchun barcha sharoit va imkoniyatlar mavjud.
Albatta, bu oson emas, chunki biz dunyodagi eng raqobatbardosh ligada ishtirok etamiz. Shunga qaramay, jamoada salohiyat bor, – deya ta’kidladi 30 yoshli yarim himoyachi.
Ma’lumot uchun, Joau Palinya 2022 yildan 2024 yilgacha Fulhem jamoasida o‘ynagan. So‘ngra u Bavariyaga o‘tgan va hozirda Tottenhemda faoliyatini davom ettirmoqda.
