Granat: Rossiya uchun Iordaniya bilan o‘yin foydali bo‘ladi

Sobiq futbolchi Vladimir Granat Rossiya va Iordaniya milliy terma jamoalari o‘rtasida o‘rtoqlik uchrashuvi o‘tkazilishi haqidagi yangilikka o‘z munosabatini bildirdi. Bu haqida Euro-football.ru xabar berdi.

Uchrashuv 4-sentabr kuni bo‘lib o‘tishi rejalashtirilgan. Bu haqda Iordaniya terma jamoasining matbuot xizmati ijtimoiy tarmoqlarda ma’lumot berdi.

Vladimir Granatning so‘zlariga ko‘ra, Iordaniya terma jamoasi bilan o‘ynash qiziqarli bo‘ladi. U: “Iordaniya terma jamoasi hali kuchli jamoalar qatoriga kirmasa-da, jahon chempionatida ishtirok etadi.

Men ularning o‘yinlarini diqqat bilan kuzatmaganman, biroq jahon chempionatiga chiqishganini hisobga olsak, bu jamoa yomon emas. Shunday raqib bilan o‘rtoqlik uchrashuvida o‘z kuchimizni sinab ko‘rish mumkin”, dedi Granat.

Ma’lumot uchun, FIFA va UEFA tomonidan qo‘yilgan taqiq sabab Rossiya terma jamoasi xalqaro musobaqalarda ishtirok eta olmayapti. Shu bois, so‘nggi uch yil davomida Rossiya faqat o‘rtoqlik uchrashuvlarida maydonga tushmoqda.