Ronaldu va Georgina rasmiy nikohga tayyorgarlik ko‘rmoqda

Al-Nasr futbol klubi hujumchisi Krishtianu Ronaldu va uning turmush o‘rtog‘i Georgina Rodriges o‘z to‘ylari haqidagi mish-mishlarning yangi to‘lqinini yuzaga keltirdi. Bu haqida Euro-football.ru xabar berdi.

Futbolchi va uning juftining ijtimoiy tarmoqlardagi so‘nggi suratlari kuzatuvchilar e’tiborini tortdi. Suratlarda Georgina uzuk taqqan holda ko‘rinish bergan.

Bundan tashqari, surat va videolarda muhim voqea uchun tayyorgarlik ko‘rilayotganini bildiruvchi ayrim tafsilotlar ham ko‘zga tashlangan. Jumladan, Georgina oq libos kiyib ko‘rayotgani va yana bir suratda Ronaldu hamda Georgina ismlarining bosh harflari tushirilgan yostiq tasvirlangan.

Ma’lumotlarga ko‘ra, Ronaldu va Georgina to‘qqiz yildan buyon birga hayot kechirmoqda va ular besh nafar farzandni tarbiyalashmoqda. Ularning uch farzandi surrogat ona orqali dunyoga kelgan.

Ushbu holatlar kuzatuvchilar orasida juftlik tez orada rasmiy nikohdan o‘tishi mumkinligi haqidagi taxminlarga sabab bo‘ldi. Hozircha Ronaldu va Georgina bu borada rasmiy izoh bermagan.