Sobiq “Lokomotiv” futbolchisi Dmitriy Bulykin Rossiya chempionatining joriy mavsumida “temiryo‘lchilar”ning o‘yiniga o‘z fikrini bildirdi. Bu haqida Euro-football.ru xabar berdi.
Mutaxassisning ta’kidlashicha, u poytaxt jamoasining o‘yinidan mamnun. Uning so‘zlariga ko‘ra, ayniqsa jamoada rossiyalik futbolchilarning harakat qilayotgani quvonarli holat.
Jamoa maydonda bor kuchi bilan harakat qilmoqda, safda yangi iste’dodlar paydo bo‘lmoqda. Eng muhimi, futbolchilar o‘zlariga nisbatan talabni pasaytirmayapti.
Bulykin “Chempionat” nashriga bergan intervyusida, jamoani turnir jadvalining birinchi pog‘onasida ko‘rish yoqimli ekanini ta’kidladi. Mutaxassisning fikricha, ayni paytda “Lokomotiv”ning o‘yini katta mablag‘ sarflab yangi o‘yinchilarni olib kelayotgan klublarnikidan yaxshiroq.
Hozirda “Lokomotiv” Rossiya oliy ligasida uchta dastlabki uchrashuvda ham g‘alaba qozongan yagona klub bo‘lib turibdi. Shu natijada, Mihail Galaktionov boshchiligidagi jamoa musobaqa jadvalida peshqadamlik qilmoqda.
