Fortuna muxlislari Vaysman transferiga qarshi chiqdi

Germaniyaning Dyusseldorf shahridagi "Fortuna" futbol klubi, ikkinchi Bundesligada ishtirok etadi. Bu haqida Euro-football.ru xabar berdi.

Klub o‘z muxlislarining fikrini inobatga olib, Isroil terma jamoasi futbolchisi Shon Vaysman bilan shartnoma tuzmaslikka qaror qildi. Bu haqda Jpost axborot manbasi xabar berdi.

Shon Vaysman Ispaniyaning "Granada" jamoasidan "Fortuna"ga o‘tishi uchun 500 ming yevro evaziga kelishuvga juda yaqin edi. U faqat shartnomani imzolashi kerak edi.

Biroq futbolchining ijtimoiy tarmoqlarda Falastinga nisbatan salbiy mazmundagi fikrlari jamoatchilik noroziligiga sabab bo‘ldi. Ushbu izoh keyinchalik o‘chirib tashlandi, biroq bu holat muxlislarning noroziligini bartaraf eta olmadi.

Voqeadan so‘ng Shon Vaysman barcha tanqidlarni qabul qilishini, ammo uning so‘zlari to‘liq kontekstda baholanmaganidan afsusdaligini ta’kidladi. Shon Vaysman Isroil terma jamoasi safida 29 ta o‘yinda maydonga tushib, 5 ta gol urgan.

O‘tgan mavsum klub darajasida 31 ta o‘yinda ishtirok etib, 4 ta gol va 4 ta golli uzatmaga mualliflik qilgan.