Tottenhem hujumchisi Son Xyon Min “Los-Anjeles” jamoasiga o‘tishga tayyorgarlik ko‘rmoqda. Bu haqida Euro-football.ru xabar berdi.
33 yoshli futbolchi yangi jamoasining Meksikaning “Tigres” klubiga qarshi o‘yinini kuzatmoqda. Ushbu uchrashuv ayni paytda Los-Anjeles shahrida Ligalar kubogi doirasida bo‘lib o‘tmoqda.
Ma'lumotlarga ko‘ra, Janubiy Koreya vakilining transferi o‘yin tugaganidan so‘ng rasman e’lon qilinishi kutilmoqda. Ushbu kelishuv MLS tarixidagi eng yirik transferlardan biri bo‘lishi mumkin.
Son Xyon Min “Tottenhem” safida o‘n yil faoliyat olib bordi va yaqinda klub bilan xayrlashdi. U mazkur davr mobaynida ko‘plab muhim o‘yinlarda ishtirok etib, jamoaning asosiy futbolchilaridan biriga aylandi.
Hozirda “Los-Anjeles” MLSning G‘arbiy konferensiyasida 36 ochko bilan oltinchi o‘rinda bormoqda. Jamoa 22 turdan so‘ng peshqadam “San-Diego”dan o‘n ochkoga ortda qolmoqda.
Shu bilan birga, “Los-Anjeles”ning zaxirada yana uchta o‘yini bor. Klub rahbariyati yangi futbolchining qo‘shilishi bilan jamoaning natijalari yanada yaxshilanishiga umid qilmoqda.
Son Xyon Minning tajribasi va mahorati “Los-Anjeles” uchun muhim ahamiyat kasb etadi.
