Lukman Atalanta va’dasidan norozi, Inter unga qiziqmoqda
“Atalanta” jamoasi hujumchisi Ademola Lukman klub rahbariyatining unga bo‘lgan munosabatidan norozi. Bu haqida Euro-football.ru xabar berdi.
27 yoshli futbolchi klubdan ketishni istamoqda va bu borada “Inter” jamoasi uzoq vaqtdan beri uni o‘z safiga qo‘shishni xohlamoqda. Ma’lumotlarga ko‘ra, “Atalanta” Lukmanni 35-40 million yevroga sotishga rozi bo‘lishini bildirgan edi.
Biroq, ushbu mablag‘dagi takliflar kelganiga qaramay, klub futbolchini qo‘yib yuborishni rad etdi. Hozirda tomonlar o‘rtasidagi muzokaralar to‘xtatilgan.
Ademola Lukman klub va’dasiga ishonib, transfer amalga oshiriladi deb o‘ylagan, ammo voqealar boshqacha kechdi. U o‘zini aldangan va xiyonat qilingan deb hisoblamoqda.
“Inter” esa hali ham Lukmanni asosiy maqsad deb biladi va unga yangi taklif tayyorlashni rejalashtirmoqda. Yaqin kunlarda Milan klubi “Atalanta”ga yana bir bor rasmiy murojaat qilishi kutilmoqda.
Shu sababli, Lukmanning kelajagi hozircha noma’lumligicha qolmoqda. Klub va futbolchi o‘rtasidagi bu ziddiyat tez orada hal bo‘lishi mumkin.
