Dmitriyev: Xlusevichga ikkinchi sariq kartochka asossiz berildi
Moskvaning “Spartak” jamoasi futbolchisi Igor Dmitriyev Rossiya chempionati doirasida Tolyattining “Akron” klubiga qarshi o‘yinda jamoadoshi Daniil Xlusevichning maydondan chetlatilishi borasida o‘z fikrini bildirdi. Bu haqida Euro-football.ru xabar berdi.
Ma’lumki, himoyachi Daniil Xlusevich uchrashuvning birinchi bo‘limida ikki marta ogohlantirilib, natijada qizil kartochka oldi. Igor Dmitriyevning aytishicha, Xlusevich tomonidan qilingan ikkinchi qoidabuzarlik uchun ikkinchi sariq kartochka va maydondan chetlatish to‘g‘ri qaror bo‘lmagan.
Futbolchi ushbu vaziyatda hech qanday tajovuzkorlik bo‘lmaganini, nima sababdan hakam bunday qaror chiqarganini tushunmasligini ta’kidladi. Eslatib o‘tamiz, “Akron” va “Spartak” jamoalari o‘rtasidagi uchrashuv Samaradagi stadionda bo‘lib o‘tdi va 1:1 hisobida durang natija bilan yakunlandi.
Uchrashuvning so‘nggi daqiqalarida Solari va Dzyuba o‘z jamoalari foydasiga gol urishga muvaffaq bo‘ldi. Shu tariqa, har ikki jamoa bir ochkodan qo‘lga kiritdi.
