Syomin Batrakovga Yevropa haqida hozircha o‘ylamaslikni aytdi
Moskvaning “Lokomotiv” futbol klubi sobiq bosh murabbiyi Yuriy Syomin jamoa yarim himoyachisi Aleksey Batrakovga Yevropa klublarida faoliyatini davom ettirish haqida hozircha o‘ylamaslikni tavsiya qildi. Bu haqida Euro-football.ru xabar berdi.
Mutaxassisning fikricha, aniq takliflar bo‘lmaganida, bunday rejalarga berilish futbolchining o‘z o‘yinini rivojlantirishiga xalaqit berishi mumkin. Syominning aytishicha, hozircha bu faqatgina gap-so‘zlardan iborat va bunga e’tibor qaratishning hojati yo‘q.
U dunyoda raqobat juda kuchli ekanini ta’kidlab, Batrakov hozir ko‘proq mehnat qilib, o‘z mahoratini oshirishga harakat qilishi kerakligini aytdi. Agar futbolchi doim Yevropaga ketish haqida o‘ylasa, bu orzu hech qachon amalga oshmasligi mumkinligini eslatdi.
Syominga ko‘ra, sportchi birinchi navbatda o‘z ustida ishlashga e’tibor qaratishi lozim. Aleksey Batrakov joriy mavsumda Rossiya chempionati va Kubogida to‘rt uchrashuvda maydonga tushib, to‘rt marta gol urishga muvaffaq bo‘lgan.
Uning “Lokomotiv” bilan amaldagi shartnomasi 2029 yil 30 iyungacha mo‘ljallangan. 20 yoshli futbolchining bozor qiymati hozirda 12 million yevroga teng.
