Laporta: Yangi mavsumda Barselona PSG bilan o‘ynashni istaydi
Barselona klubi prezidenti Joan Laporta yangi mavsum oldidan Chempionlar ligasi haqida o‘z fikrlarini bildirdi. Bu haqida Euro-football.ru xabar berdi.
Uning so‘zlariga ko‘ra, u Parijning mashhur klubi PSG bilan uchrashishni istaydi. Laporta o‘z intervyusida PSG jamoasining o‘tgan mavsumdagi yutuqlarini yuqori baholadi.
Ularning Chempionlar ligasida va Fransiya chempionatida g‘alaba qozonganini, kuchli murabbiy va tajribali futbolchilar bilan chiroyli o‘yin namoyish etganini ta’kidladi. Afsuski, o‘tgan mavsumda Barselona bu klub bilan maydonda to‘qnash kelolmadi.
Laportaning fikricha, bunday o‘yin butun dunyo futbol ishqibozlari uchun qiziqarli bo‘lar edi. U, shuningdek, o‘tgan mavsumda Barselona eng yaxshi tayyorlangan jamoalardan biri bo‘lganini aytdi.
Laporta yangi mavsumda PSG bilan o‘yin tashkil etilishini va bu orqali qaysi jamoa kuchliroq ekanini aniqlash istagini bildirdi. Uning aytishicha, ehtimol, yangi mavsumda yana boshqa kuchli jamoalar ham chiroyli futbol ko‘rsatishi mumkin.
Biroq o‘tgan mavsum natijalariga ko‘ra, Barselona va PSG dunyoning eng yaxshi ikki jamoasi bo‘ldi. Ma’lumot uchun, Barselona o‘tgan mavsumda Chempionlar ligasi finaliga chiqish imkoniyatiga ega edi, biroq yarim finalda Milaning Inter jamoasiga yutqazib qo‘ydi.
