Ukraina futbol assotsiatsiyasi Rossiya terma jamoasining Iordaniya bilan o‘yinini bekor qilishga harakat qilmoqda. Bu haqida Euro-football.ru xabar berdi.
Rossiya Davlat Dumasi deputati Dmitriy Svischyov bu masalaga o‘z munosabatini bildirdi. Uning so‘zlariga ko‘ra, bunday harakatlarga e’tibor bermaslik kerak.
Svischyov futbolchilar va murabbiylarga o‘yinga jiddiy tayyorlanishni tavsiya etdi hamda bu uchrashuv muxlislar uchun ham, terma jamoa uchun ham muhimligini ta’kidladi. Uning fikricha, shunday o‘yinlar rossiyalik futbolchilarga katta tajriba beradi.
Svischyov, shuningdek, Rossiya tez orada xalqaro sport musobaqalariga to‘liq qaytishini aytdi. U jahon sportida Rossiya ishtirokining tiklanishi yaqin orada amalga oshishiga ishonch bildirdi.
Eslatib o‘tamiz, Rossiya terma jamoasi sentabr oyida ikki do‘stlik uchrashuvi o‘tkazadi. Birinchi o‘yin Iordaniya terma jamoasiga qarshi 4 sentabr kuni o‘z maydonida bo‘lib o‘tadi.
Ikkinchi uchrashuv esa 7 sentabr kuni Qatarga qarshi safarda bo‘lib o‘tadi. Mazkur o‘yinlar Xalqaro futbol federatsiyasi reytingiga ta’sir ko‘rsatadi.
Joriy yil yoz oylarida Rossiya terma jamoasi Nigeriya bilan 1:1 hisobida durang o‘ynagan va Belarus termasini 4:1 hisobida mag‘lub etgan edi.
