Hozirgi kunda “Manchester Yunayted” futbol klubi o‘z o‘yin darajasi bo‘yicha Yevropaning eng kuchli jamoalaridan ancha orqada. Bu haqida Euro-football.ru xabar berdi.
Biroq klubning brendi va avvalgi yutuqlari tufayli “qizil iblislar” futbolchilar transferi bozorida raqobatchilarga qaraganda ko‘proq ustunlikka ega bo‘lishmoqda. Hatto boshqa klublar ko‘proq maosh taklif qilgan hollarda ham “Manchester Yunayted” o‘z nufuzi hisobiga futbolchilarni jalb eta olyapti.
Masalan, “Nyukasl” klubi Benyamin Sheshkoga yuqoriroq maosh taklif qilgan edi. Bundan tashqari, Sheshko yangi mavsumda “Nyukasl” tarkibida Chempionlar ligasida ishtirok etish imkoniyatiga ega bo‘lardi.
Biroq Benyamin Sheshko baribir “Manchester Yunayted”ni tanladi. “Old Trafford”da unga kamroq maosh taklif etilgan bo‘lsa-da va klub Yevrokuboklarda qatnashmayotgan bo‘lsa ham, u aynan shu jamoani tanlashga qaror qildi.
Transfer jarayoni yakuniy bosqichda ekani haqida futbol bo‘yicha taniqli jurnalist Fabrisio Romano o‘z podkastida ma’lumot berdi. Shu tariqa, Sheshkoning “Manchester Yunayted”ga o‘tishi yaqin orada rasmiylashishi kutilmoqda.
Bu holat klub obro‘sining futbolchilar uchun muhim ahamiyat kasb etishini yana bir bor tasdiqlaydi.
