Son Xyon Min rasman Los-Anjeles klubi futbolchisi bo‘ldi

Janubiy Koreyalik hujumchi Son Xyon Min rasman Los-Anjeles futbol klubi futbolchisi bo‘ldi. Bu haqida Euro-football.ru xabar berdi.

Bu haqda AQSHning MLS ligasi klubi matbuot xizmati ma’lum qildi. Hozircha Son Xyon Minning yangi jamoasi bilan tuzgan shartnomasi muddati ochiqlanmagan.

Ma’lumotlarga ko‘ra, Londonning Tottenxem klubi va Los-Anjeles jamoasi o‘rtasidagi kelishuv qiymati 22 million yevroga baholanmoqda. Son Xyon Min so‘nggi o‘n yil davomida Tottenxem klubi tarkibida o‘ynab keldi.

U 2015 yilda Germaniyaning Bayer jamoasidan Tottenxemga o‘tgan va shu vaqtdan buyon London klubining asosiy futbolchilaridan biri bo‘lib xizmat qilgan. Los-Anjeles klubi MLSning G‘arbiy konferensiyasida ishtirok etadi va hozirda 36 ochko bilan oltinchi o‘rinda joylashgan.

Shu haftaning o‘zida yana bir mashhur yevropalik futbolchi MLSda yangi klub topgani ma’lum bo‘ldi. Mazkur transfer MLS klublarining yirik futbolchilarni jalb qilish borasida faol harakat qilayotganini ko‘rsatmoqda.

Son Xyon Minning Los-Anjelesga o‘tishi klub uchun ham, futbolchi uchun ham yangi bosqich bo‘lishi kutilmoqda.