"Rostov" futbol klubi aʼzosi Aleksey Mironov jamoaning yangi mavsum boshidagi omadsizliklari haqida fikr bildirdi. Bu haqida Euro-football.ru xabar berdi.
Uning so‘zlariga ko‘ra, ayrim o‘yinlarda omad yetishmayapti, shuningdek, mavjud imkoniyatlardan to‘liq foydalanilmayapti. Mironovning aytishicha, himoyada jamoa yaxshi harakat qilmoqda, biroq hujumda imkoniyatlarni golga aylantirishda muammolar bor.
U “Krylya Sovetov”ga qarshi o‘yinda jamoa hujumga oshiqib, natijada ikkinchi bo‘limda uchta gol o‘tkazib yuborganini qayd etdi. Ma’lumot uchun, "Rostov" yangi mavsumning dastlabki to‘rt o‘yinida ham mag‘lub bo‘ldi.
Ularning uchta o‘yini Rossiya chempionati doirasida, bittasi esa Rossiya Kubogi doirasida bo‘lib o‘tdi. So‘nggi o‘yinda “Rostov” o‘z maydonida “Krylya Sovetov”ga 1:4 hisobida imkoniyatni boy berdi.
Yangi mavsum oldidan "Rostov" jamoasini tayyorlash ishlariga to‘liq ravishda Jonatan Alba boshchilik qildi. Avvalgi yillardan farqli ravishda bu safar Valeriy Karpin jamoaning tayyorgarlik jarayonida ishtirok etmadi.
Shu bois, jamoa yangi murabbiy bilan mavsumga kirib keldi va hozircha natijalar kutilganidek emas. Mironov jamoa oldinda xatolar ustida ishlashini va natijalarni yaxshilash uchun harakat qilishini ta’kidladi.
