Madridning “Real” jamoasi bosh murabbiyi Xabi Alonso Endrikni asosiy tarkibda ko‘rmayapti. Bu haqida Euro-football.ru xabar berdi.
Braziliyalik hujumchi ilgari Karlo Anchelotti boshchiligida ham ko‘p o‘yinlarda maydonga tushmagan edi. Yangi mavsumda ham bu holat o‘zgarishi ehtimoldan yiroq.
Fichajes manbasining xabar berishicha, Alonso 19 yoshli hujumchiga jamoaning asosiy futbolchisi sifatida katta ishonch bildirishni rejalashtirmayapti. Klub Endrikni boshqa jamoaga ijaraga berish bo‘yicha takliflarni ko‘rib chiqishga tayyor.
Aytishlaricha, Endrik “Real Sosyedad” jamoasiga ijaraga o‘tishi mumkin edi. Biroq, ushbu kelishuv futbolchining jarohati sabab amalga oshmadi.
Shuningdek, Endrikning “Real” bilan tuzilgan shartnomasi 2030 yil yozigacha davom etadi. Shu sababli, klub futbolchining kelajagini ijaraga berish orqali hal qilishni ma’qul ko‘rmoqda.
Yangi mavsumda Endrikning asosiy tarkibda muntazam o‘ynashi kutilmayapti.
