Cherchesov "Axmat"ga bosh murabbiy bo‘ldi, natija kutilmoqda
Sport sharhlovchisi Dmitriy Shnyakin "Axmat" jamoasining yangi bosh murabbiyi Stanislav Cherchesov haqida o‘z fikrini bildirdi. Bu haqida Euro-football.ru xabar berdi.
Ma’lumki, Rossiya terma jamoasining sobiq bosh murabbiyi 6-avgust kuni Grozniy shahri jamoasiga rahbarlik qilishni boshladi. Shnyakinning ta’kidlashicha, Cherchesovning "Axmat"ga kelishi kutilgan hol edi.
Chunki u Rossiya Premer-ligasida tajribaga ega, mintaqa mentalitetini yaxshi biladi, bu yerda uni ko‘pchilik taniydi va u Premer-ligadagi barcha voqealardan xabardor. Cherchesov doimo o‘yinlarni kuzatib boradi va jamoalar ahvolidan boxabar.
Shuning uchun, Shnyakin fikriga ko‘ra, Cherchesov va "Axmat" hamkorligidan qiziqarli natijalar kutish mumkin. Eslatib o‘tamiz, "Axmat" joriy mavsumni omadsiz boshladi.
Jamoa to‘rtta uchrashuvda ham mag‘lub bo‘ldi. Shu sababdan, avvalgi bosh murabbiy Aleksandr Storojuk lavozimidan ozod etildi.
Endilikda muxlislar yangi murabbiydan ijobiy o‘zgarishlar kutmoqda.
