“Vilyarreal” Tomas Parti ishi yuzasidan bayonot berdi
Yaqinda “Vilyarreal” futbol klubiga yarim himoyachi Tomas Parti qo‘shildi. Bu haqida Euro-football.ru xabar berdi.
U bir necha holatda zo‘rlashda ayblanmoqda. Klub yangi futbolchi haqida e’lon qilganidan so‘ng, ispaniyalik jamoa g‘analik o‘yinchi bilan bog‘liq vaziyat yuzasidan rasmiy bayonot berdi.
Klub o‘z bayonotida futbolchi sud jarayonidan o‘tayotganidan xabardor ekanini bildirdi. Tomas Parti o‘zini aybsiz deb hisoblaydi hamda unga qo‘yilgan barcha ayblovlarni qat’iy rad etmoqda.
Klub o‘z faoliyatining asosiy tamoyillaridan biri sifatida aybsizlik prezumpsiyasini tan oladi va sud qarorini kutmoqda. Klubga ko‘ra, ayblovlar asosida yotgan holatlar faqat adolatli sud qarori orqali aniqlanishi lozim.
Ma’lumotlarga ko‘ra, Tomas Parti biroz avval garov evaziga ozod qilingan. Uning ishi bo‘yicha sud majlisi 2 sentyabr kuni bo‘lib o‘tishi rejalashtirilgan.
“Vilyarreal” klubi futbolchi atrofidagi vaziyatni diqqat bilan kuzatib borishini va qonuniy tartibda harakat qilishini ta’kidladi. Klub futbolchining huquqlari va sud qarorini hurmat qilishini bildirgan.
