"Bavariya" jamoasining markaziy hujumchisi Garri Keyn o‘zining sobiq klubi – Londonning "Tottenxem" jamoasiga qarshi nazorat uchrashuvidan so‘ng ommaviy axborot vositalari vakillari bilan suhbatlashdi. Bu haqida Euro-football.ru xabar berdi.
Ushbu uchrashuvda ingliz futbolchisi 11 metrlik jarima zarbasidan gol ura olmadi. Garri Keyn intervyusida bu xatolik nazorat o‘yinida sodir bo‘lgani yaxshi bo‘lganini aytdi.
Uning so‘zlariga ko‘ra, zarba paytida oyog‘i sirg‘ib ketgan. Futbolda bunday holatlar ba’zan yuz berishi tabiiy ekanini ta’kidladi.
Eslatib o‘tamiz, Germaniyaning "Bavariya" jamoasi Angliyaning "Tottenxem" klubini yirik hisobda mag‘lub etdi va uchrashuv 4:0 hisobida yakunlandi. Garri Keyn ushbu o‘yinda bir gol kiritdi.
Garri Keyn 2011 yildan 2023 yilgacha "Tottenxem" jamoasida to‘p surgan. So‘nggi ikki mavsumda esa u Myunxenning "Bavariya" klubi safida harakat qilmoqda.
