Kechinov: Spartak derbida o‘z imkoniyatini ko‘rsatadi
Rossiya oliy ligasining to‘rtinchi turi doirasida Moskva shahri jamoalari o‘rtasida navbatdagi derbi uchrashuvi bo‘lib o‘tadi. Bu haqida Euro-football.ru xabar berdi.
Unda “Lokomotiv” va “Spartak” jamoalari maydonga chiqadi. Ushbu o‘yin oldidan “Spartak” jamoasining faxriy futbolchisi Valeriy Kechinov o‘z fikrlari bilan o‘rtoqlashdi.
Valeriy Kechinovning aytishicha, “Spartak” jamoasi bu safar o‘zini yaxshi tomondan ko‘rsatishi mumkin. Uning fikriga ko‘ra, aynan qiyin vaziyatlarda “qizil-oq”lar kuchli o‘yin namoyish etishga harakat qiladi va bu safar ham shunday bo‘lishi ehtimoldan xoli emas.
Mazkur moskvalik jamoalar o‘rtasidagi o‘yin 9-avgust kuni “RJD Arena” stadionida bo‘lib o‘tadi. Uchrashuv boshlanishi Moskva vaqti bilan soat 18:00 ga belgilangan.
Hozirgi vaqtda “Lokomotiv” turnir jadvalida peshqadamlik qilmoqda, “Spartak” esa 11-o‘rinda bormoqda. Ushbu derbi ikki jamoa uchun ham muhim ahamiyatga ega bo‘lib, muxlislar qiziqarli o‘yin kutmoqda.
