Iduna Park restoranlarida kamchiliklar aniqlandi, ta’mirlashga 11 million yevro ajratildi
Iduna Park stadionida kutilmaganda Germaniya sanitariya va epidemiologiya nazorati xizmati tekshiruv o‘tkazdi. Bu haqida Euro-football.ru xabar berdi.
Tekshiruv natijasida stadion hududidagi restoranlarda bir qator kamchiliklar aniqlandi. Germaniyaning mashhur nashri Bild xabariga ko‘ra, klub bu muammolarni bartaraf etish uchun zudlik bilan kamida 11 million yevro mablag‘ sarflashiga to‘g‘ri keladi.
Hozirda kamchiliklarni bartaraf etish ishlari boshlab yuborilgan. Klub rahbariyati barcha aniqlangan nuqsonlarni avgust oyining oxirida rejalashtirilgan birinchi uy uchrashuviga qadar bartaraf etishga umid qilmoqda.
Mazkur o‘yinda Dortmundning Borussia jamoasi Union Berlin klubiga qarshi maydonga tushadi. Eslatib o‘tamiz, Dortmundning Borussia futbol klubi Germaniya chempionligini oxirgi bor 2012 yilda qo‘lga kiritgan.
Umuman olganda, klub o‘z tarixida sakkiz marta mamlakat chempioni bo‘lgan. Hozirda esa klub oldida stadion infratuzilmasini zamonaviy va xavfsiz holatga keltirish, muxlislar uchun qulay va toza muhit yaratish vazifasi turibdi.
