Bavariya Nkunku transferi bo‘yicha Chelsi bilan muzokara boshladi
«Chelsi» klubi hujumchisi Kristofer Nkunku yana «Bavariya» jamoasining qiziqishiga sabab bo‘ldi. Bu haqida Euro-football.ru xabar berdi.
London jamoasi fransiyalik futbolchini transferga qo‘ydi. Klub bosh murabbiyi Entso Mareska uni o‘z rejalarida ko‘rmayapti.
Ma’lumotlarga ko‘ra, «Bavariya» yangi hujumchi izlashda davom etmoqda va Nkunku transfer bozoridagi asosiy nomzodlardan biri sifatida ko‘rilmoqda. Myunxen klubi 27 yoshli futbolchini joriy yilning yanvar oyidayoq sotib olishga harakat qilgan.
O‘shanda «Bavariya» Nkunku uchun taxminan 45 million yevro to‘lashga tayyor edi, biroq «Chelsi» uni 70 million yevroga baholagan. Shuningdek, futbolchiga «Manchester Yunayted» ham qiziqish bildirgan, ammo hozirda bu klub transfer poygasida ishtirok etmayapti.
Hozirda Kristofer Nkunkuning kelajagi ochiq qolmoqda. Agar «Chelsi» va «Bavariya» rahbariyati transfer shartlarida kelishib olsa, fransiyalik futbolchi Germaniya chempionatida o‘ynash imkoniyatiga ega bo‘lishi mumkin.
Shu bilan birga, boshqa klublar ham unga qiziqish bildirishi ehtimoldan xoli emas. Transfer bozoridagi vaziyat yaqin kunlarda aniq bo‘lishi kutilmoqda.
