Lorenso Pellegrini Angliya klublaridan taklif oldi

“Roma” futbol klubi yarim himoyachisi Lorenso Pellegrini faoliyatini Angliyada davom ettirishi mumkin. Bu haqida Euro-football.ru xabar berdi.

Angliyaning Premyer liga jamoalaridan biri 29 yoshli futbolchi bilan bog‘lanib, kelajakdagi hamkorlik masalasini muhokama qilgan. Bu haqda jurnalist Nikolo Skira xabar bergan.

Hozirda italiyalik futbolchi o‘z kelajagi borasida o‘ylab ko‘rmoqda. Uning “Roma” klubi bilan amaldagi shartnomasi kelasi yilning o‘rtalarida yakuniga yetadi.

Hozircha tomonlar shartnomani uzaytirish bo‘yicha muzokaralarni boshlamagan. Lorenso Pellegrini “Roma” klubi tarbiyalanuvchisi hisoblanadi.

U 2015 yilda klub safidan ketib, “Sassuolo” jamoasiga o‘tgan. Oradan ikki yil o‘tgach, ya’ni 2017 yilda yana “Roma”ga qaytgan va shu paytgacha ushbu jamoada o‘ynab kelmoqda.

Transfermarkt portali ma’lumotiga ko‘ra, futbolchining narxi 9 million yevroga baholanmoqda. Hozircha uning qayerda faoliyatini davom ettirishi noma’lum.

“Roma” klubi va futbolchi o‘rtasida yangi shartnoma bo‘yicha rasmiy muzokaralar boshlanmagan.