Genuya klubi markaziy himoyachisi Koni de Vinter Milaning Inter jamoasi e’tiboriga tushdi. Bu haqida Euro-football.ru xabar berdi.
Inter vakillari belgiyalik futbolchining mahoratini yuqori baholamoqda. Ular Koni de Vinterni jamoa himoyasida, xususan, bosh murabbiy Kristian Kivu tizimida markaziy himoyachi yoki uchli himoya chizig‘ida tashqi markaziy himoyachi sifatida o‘ynata olishini ta’kidlamoqda.
Bu haqda taniqli jurnalist Fabrisio Romano xabar berdi. Transfermarkt saytida 23 yoshli futbolchining taxminiy narxi 22 million yevroga teng.
O‘tgan yil yozida Genuya Koni de Vinterni Turin klubi Yuventusdan 8 million yevroga sotib olgan edi. 2024-2025 yilgi mavsumda u A Seriyada Genuya safida 25 ta o‘yinda maydonga tushdi va uchta gol urishga muvaffaq bo‘ldi.
Bundan tashqari, futbolchi Belgiya milliy terma jamoasi tarkibida ham to‘rt marta maydonga chiqdi. Koni de Vinter yosh bo‘lishiga qaramay, o‘zining barqaror o‘yini va ishonchli harakatlari bilan ko‘plab klublar e’tiborini tortmoqda.
Uning kelajagi borasida turli taxminlar mavjud. Inter jamoasi esa uni o‘z safiga qo‘shib olishni maqsad qilmoqda.
