Tottenham Savioni sotib olish bo‘yicha muzokara boshladi

Manchester Siti jamoasining yarim himoyachisi Savio boshqa bir Angliya Premer-ligasi klubiga o‘tishi mumkin. Bu haqida Euro-football.ru xabar berdi.

Ma’lumotlarga ko‘ra, Londonning Tottenham klubi braziliyalik futbolchini o‘z safiga qo‘shib olishga qiziqish bildirgan. Klubning yangi bosh murabbiyi Tomas Frank shaxsan 21 yoshli futbolchi bilan shartnoma imzolashni istamoqda.

Hozirda tomonlar o‘rtasida ushbu transfer bo‘yicha muzokaralar olib borilmoqda. Savio Manchester jamoasida 2023 yil iyul oyidan buyon to‘p suradi.

U klub bilan 2029 yil iyun oyining oxirigacha mehnat shartnomasiga ega. Mutaxassislarning Transfermarkt portali bergan bahosiga ko‘ra, Savioning bozor qiymati 50 million yevroga teng.

Savio o‘tgan mavsumda ham o‘zining yaxshi o‘yinlari bilan ajralib turgan va yangi klublar diqqat markaziga tushgan. Uning kelajagi borasida yaqin kunlarda aniq qaror qabul qilinishi kutilmoqda.