Grigoryan: Spartak mag‘lubiyati murabbiy iste’figa olib keladi
Mashhur murabbiy Aleksandr Grigoryan “Spartak” jamoasining “Lokomotiv”ga qarshi o‘yindagi mag‘lubiyatiga munosabat bildirdi. Bu haqida Euro-football.ru xabar berdi.
O‘tgan shanba kuni Dejan Stankovich boshchiligidagi “Spartak” poytaxt derbisida “Lokomotiv”ga 2:4 hisobida yutqazdi. Grigoryan o‘z fikrida har qanday mag‘lubiyat murabbiyning iste’foga chiqishiga olib kelishi mumkinligini ta’kidladi.
Uning aytishicha, aynan “Lokomotiv”ga qarshi o‘yindagi mag‘lubiyat ayniqsa og‘ir va alamli bo‘ldi. Sababi, “Spartak” maydonda munosib o‘yin ko‘rsatdi.
Bu holatda ba’zi omillar va omad yetishmasligi o‘z ta’sirini ko‘rsatdi, deya ta’kidladi Grigoryan “Match TV” telekanali efirida. Mutaxassisning fikricha, hozirgi paytda Stankovich uchun ham oson davr emas.
Ertaga, 12-avgust kuni “qizil-oq”lar Rossiya Kubogi doirasida Maxachqal’aning “Dinamo” jamoasiga qarshi bahs olib boradi. Uchrashuv Moskva vaqti bilan soat 20:45 da boshlanadi.
