Donnarumma tarkibdan chiqarildi, atrofidagilar norozi bo‘ldi
PSJ darvozaboni Janluiji Donnarumma atrofidagilar klub rahbariyatining uni UEFA Superkubogi doirasidagi Londonning Tottenxem jamoasiga qarshi o‘yinga tarkibga kiritmagani borasida norozilik bildirmoqda. Bu haqida Euro-football.ru xabar berdi.
Ma’lum qilinishicha, Donnarumma va klub o‘rtasidagi yangi shartnoma bo‘yicha muzokaralar boshi berk ko‘chaga kirib qolgan. Donnarummaning do‘stlaridan biri L'Equipe nashriga bergan intervyusida, u klub uchun ko‘p mehnat qilgani, jamoaga Chempionlar ligasida g‘alaba qozonishda yordam berganini, ammo hozirda unga nisbatan bunday munosabat bo‘layotganini aytib o‘tdi.
Uning so‘zlariga ko‘ra, klub hech qachon Donnarumma yordamisiz bu musobaqaga chiqa olmas edi. PSJ va Tottenxem o‘rtasidagi uchrashuv 13 avgust kuni Italiyaning Udine shahrida bo‘lib o‘tadi.
Shuningdek, PSJ rahbariyati Matvey Safonovga ham asosiy darvozabon bo‘la olmasligini bildirgan. Agar Donnarumma klubdan ketsa ham, Safonov asosiy tarkibda o‘ynamaydi.
Klub unga boshqa jamoaga ijaraga ketish yoki to‘liq transfer bo‘yicha taklif bergan. Shu tariqa, PSJ darvozabonlar masalasida muammolarga duch kelmoqda va bu holat jamoa ichida turli noroziliklarga sabab bo‘lmoqda.
