Rossiya milliy futbol terma jamoasining yil oxirigacha bo‘lib o‘tadigan barcha o‘rtoqlik uchrashuvlari va ularning o‘tkazilish joylari haqida ma’lumot e’lon qilindi. Bu haqida Euro-football.ru xabar berdi.
Dastlabki o‘yin 4-sentabr kuni Moskvadagi "Lukoyl Arena" stadionida Iordaniya terma jamoasiga qarshi o‘tkaziladi. 7-sentabr kuni Rossiya terma jamoasi safarda Qatarga qarshi maydonga tushadi.
Ushbu uchrashuv Er-Rayyan shahridagi "Al-Sadd" stadionida bo‘lib o‘tadi. 10-oktabr kuni Volgograd shahrida Rossiya va Eron terma jamoalari o‘rtasida o‘yin tashkil etiladi.
Bu uchrashuv "Volgograd Arena" stadionida o‘tkaziladi. 14-oktabr kuni esa Moskvaning "Dinamo" stadionida Rossiya Boliviya terma jamoasini qabul qiladi.
12-noyabr kuni Sankt-Peterburg shahridagi "Gazprom Arena" stadionida Rossiya va Peru terma jamoalari o‘rtasida uchrashuv bo‘lib o‘tadi. 15-noyabr kuni Sochi shahrida, "Fisht" stadionida Rossiya terma jamoasi Chili jamoasiga qarshi maydonga tushadi.
Eslatib o‘tamiz, Rossiya terma jamoasi Yevropa futbol uyushmasi va Xalqaro futbol federatsiyasi tomonidan joriy etilgan sanksiyalar sababli faqat o‘rtoqlik uchrashuvlarida ishtirok etmoqda.
