Xomuxa: Batrakovning chet elga chiqish imkoniyati yuqori

Rossiyalik murabbiy Dmitriy Xomuxa poytaxtning Lokomotiv jamoasi yarim himoyachisi Aleksey Batrakovga Fransiyaning Marsel klubi tomonidan bildirilgan qiziqish haqida o‘z fikrini bildirdi. Bu haqida Euro-football.ru xabar berdi.

Fransiya klubi vakillari Batrakov uchun 15 million taklif qilgan, biroq Lokomotiv jamoasi bu taklifni rad etgan. Xomuxaning fikriga ko‘ra, ushbu rad javobi Batrakovning chet elda faoliyat yuritishiga salbiy ta’sir ko‘rsatmaydi.

Murabbiyning ta’kidlashicha, kuchli klublarning e’tiboriga tushish uchun futbolchi barqaror o‘yin ko‘rsatishi, gol va paslar soni bo‘yicha yuqori natijalarga erishishi kerak. Xomuxa Batrakov aynan shu yo‘nalishda harakat qilayotganini, uning natijalari ijobiy ekanini aytdi.

U Batrakovning kelajagiga ishonch bildirgan. Batrakov asosiy tarkibda 48 o‘yinda maydonga tushib, 23 gol va 10 golli uzatma muallifi bo‘lgan.

Joriy mavsumda esa u 5 uchrashuvda 7 ta gol urgan. Uning jamoasi hozirgi paytda chempionatda peshqadamlik qilmoqda va barcha 4 o‘yinda zafar quchgan.