Carreras: Mbappe bilan birga o‘ynash juda yoqimli
Madridning Real jamoasi chap qanot himoyachisi Alvaro Carreras birinchi o‘yindan so‘ng Kiliyan Mbappe haqida jurnalistlar savoliga javob berdi. Bu haqida Euro-football.ru xabar berdi.
Xabi Alonso boshchiligidagi jamoa seshanba kuni Avstriyaning Tirol klubi bilan o‘rtoqlik uchrashuvida yirik hisobda g‘alaba qozondi. Uchrashuv 4:0 hisobida yakunlandi.
Carreras asosiy tarkibda maydonga tushib, 63-daqiqagacha o‘ynadi. O‘yin tugagach, jurnalistlar Realning yangi futbolchisi Carrerasdan Mbappe haqida so‘rashdi.
Ushbu uchrashuvda Mbappe ikki bor gol urdi va bir marta golli uzatma berdi. Carreras intervyusida shunday dedi: Men har doim aytganman, Kiliyan kabi jamoadoshlar bilan birga o‘ynash juda yoqimli.
Bunday futbolchilar bilan maydonda harakat qilish osonroq bo‘ladi. Lekin men Real jamoasining barcha futbolchilari bilan o‘zimni qulay his qilaman, jumladan Vinisius va Xoysen bilan ham.
Ular bilan qanotda va himoyada birga harakat qilamiz. Juda mamnunman.
Real jamoasi 19 avgust kuni o‘z maydonida Osasuna klubiga qarshi La Liga birinchi tur uchrashuvini o‘tkazadi.
