Bavariya Voltemade uchun 60 million taklif qildi, Shtutgart rad etdi
Bavariya futbol klubi chorshanba kuni Shtutgart jamoasiga hujumchi Nik Voltemade transferi bo‘yicha yangi taklif berdi. Bu haqida Euro-football.ru xabar berdi.
Germaniyaning taniqli jurnalisti Florian Plettenbergning xabar berishicha, Myunxen klubi Voltemade uchun 60 million yevro, shuningdek, bonuslar va keyingi transferdan foiz ulushini taklif qilgan. Biroq Shtutgart klubi ushbu taklifni rad etdi.
Futbolchining vakillari klub bu shartlarga rozi bo‘lishini kutgan edi. Lekin Shtutgart Voltemade uchun 75 million yevro talab qilmoqda.
Bavariya esa bu miqdordagi pulni to‘lash niyatida emas. Nik Voltemade hozirda 23 yoshda.
U Shtutgart safida jami 33 o‘yinda maydonga tushgan. Ushbu bahslarda u 17 ta gol urgan va 3 marotaba jamoadoshlariga golli pas oshirgan.
Hozircha klub va futbolchi kelajagi borasida aniq qaror qabul qilinmagan. Muzokaralar davom etmoqda va tomonlar kelishuvga erishish uchun harakat qilmoqda.
