Londonning Arsenal jamoasida to‘p surayotgan Leandro Trossar Aston Villa klubi e’tiboriga tushdi. Bu haqida Euro-football.ru xabar berdi.
Birmingem shahri vakillari Arsenal rahbariyatidan belgiyalik futbolchining ehtimoliy transferi shartlari haqida ma’lumot so‘radi. Bu haqda Indykaila nashri xabar berdi.
Aytishlaricha, 30 yoshli futbolchining jamoani tark etishi haqida gaplar anchadan buyon yangramoqda. Sababi, uning Arsenal bilan tuzgan shartnomasi kelasi yil nihoyasiga yetadi.
Transfermarkt portali mutaxassislarining bahosiga ko‘ra, Leandro Trossarning transfer qiymati 22 million yevroga teng. O‘tgan mavsumda Trossar Arsenal safida jami 56 uchrashuvda maydonga tushib, 10 ta gol urdi va 10 ta golli uzatmani amalga oshirdi.
U Mikel Arteta boshchiligidagi jamoaning muhim a’zolaridan biri hisoblanadi. Trossarning tajribasi va samaradorligi boshqa klublarning ham e’tiborini tortmoqda.
Hozircha transfer bo‘yicha rasmiy kelishuv yo‘q, biroq muzokaralar davom etmoqda.
