Nepomnyashiy: Safonov Parij klubida uzoq qolmasligi mumkin

Rossiyalik tajribali mutaxassis Valeriy Nepomnyashiy Parijning mashhur futbol klubi safida to‘p surayotgan darvozabon Matvey Safonovning kelajagi haqida o‘z fikrini bildirdi. Bu haqida Euro-football.ru xabar berdi.

Uning so‘zlariga ko‘ra, Safonovning Parijdagi faoliyati uzoqqa cho‘zilmasligi mumkin. Mutaxassisning ta’kidlashicha, agar Safonov yana ikkinchi yoki uchinchi darvozabon sifatida zaxirada o‘tirishga majbur bo‘lsa, bu holatda klubda qolishining ma’nosi yo‘q.

Shuningdek, Valeriy Nepomnyashiy Safonov uchun asosiy tarkibda doimiy o‘yin amaliyotiga ega bo‘lish muhimligini qayd etdi. Ma’lumot uchun, joriy yil yozgi transfer oynasida Parij klubi fransiyalik darvozabon Luka Shevalyeni ham o‘z safiga qo‘shib oldi.

Bu esa Safonov uchun raqobat yanada kuchayishini bildiradi. Safonov o‘tgan yil yozida Parij klubiga 20 million yevro evaziga kelib qo‘shilgan.

U klub bilan besh yillik mehnat shartnomasi imzolagan edi. Hozirda uning jamoadagi kelajagi ochiq qolmoqda.

Mutaxassislar Safonovning faoliyatida yangi bosqich boshlanishi mumkinligini taxmin qilmoqda.